منتديات نجوم القل
اهلاوسهلا بك في بيتك نتمي ان تسجل معنا وتشاركنا افكارك

منتديات نجوم القل


 
الرئيسيةالرئيسية  البوابةالبوابة  التسجيلالتسجيل  دخولدخول  

شاطر | 
 

 مباديء الفوركس - الدّرس الثّالث

استعرض الموضوع السابق استعرض الموضوع التالي اذهب الى الأسفل 
كاتب الموضوعرسالة
jozef002
Admin
Admin
avatar

المدير
المشرف
الاسد عدد المساهمات : 6103
نقاط التميز 22077
السٌّمعَة : 10
تاريخ التسجيل : 09/04/2010
العمر : 26
mms الي

مُساهمةموضوع: مباديء الفوركس - الدّرس الثّالث   السبت نوفمبر 20, 2010 5:09 am

الدرس الثالث

سنتكلم فى هذا الدرس عن بعض المصطلحات الجديدة وما يتعلق بها.


الشركات الوسيطة:

الشركات الوسيطه هى الشركات التى تسمح لك بفتح حساب لديها والمتاجرة من خلالها. الشركات الوسيطه تكسب عن طريق الفارق بين سعر البيع والشراء فى العملات وكلما كانت الشركة الوسيطه جيده كلما قل الفارق بين سعر البيع والشراء من خلالها Spread.

المتاجرة بالهامش Margin:

ذكرنا فى الدرس السابق إن أسعار العملات بتتغير بالبيب ... ودى زى ما قولنا قيمة صغيرة جدا جدا ... يعنى علشان نكسب مبلغ معقول يبقى لازم نتاجر بمبلغ كبير جدا ... 10 ألاف ... 100 ألف ... مليون. طبعا مش أى حد يمتلك المبلغ الكبير ده علشان يتاجر بيه ... طيب والحل؟

الحل يكمن فيما يسمى بالمتاجرة بالهامش Margin أو بعض الناس تسميه الرافعه المالية. نظام الهامش ده عبارة عن طريقة تقدر عن طريقها تتاجر فى مبالغ كبيرة على الرغم من أن رأس مالك صغير ... إزاى ؟؟؟

شوف يا سيدى ... دلوقتى لو فرضنا إنك إشتريت 10 ألاف من زوج العملات EUR/USD ... طبعا إشتريت يبقى متوقع السوق يتحرك إزاى ؟؟؟ لأعلى أم لأسفل يعنى السعر حيزيد ولا حيقل ؟ حد جاوب ؟؟ أكيد يبقى إنت متوقع السوق حيتحرك لأعلى يعنى سعر الزوج ده حيغلى ... وبالتالى حتبيع 10 ألاف دول تانى لما السعر يزيد. نرجع لمثالنا ... لو سعر الزوج ده زاد بقيمة واحد بيب يبقى إنت كسبت قد إيه ... نحسبها 0.0001 * 10000 = 1 دولار ... يعنى حركة السوق 1 بيب لأعلى تكسبك واحد دولار ... طيب وحركته العكس ؟؟ تخسرك 1 دولار برضه.

يعنى معنى كده إنك مش محتاج 10 ألاف دولار فعليا لأنك لما بتكسب أو بتخسر بتتعامل بمبلغ أقل بكتير من 10 ألاف دولار وهو فعليا واحد دولار لكل بيب. وبالتالى النقطة دى هى اللى بتستغلها الشركات الوسيطة علشان تكسب عملاء إنها تفتح ليك حساب بمبلغ صغير وتسمحلك إنك تتاجر بمبلغ كبير بالمقابل ... وطبعا مش حتسمحلك إنك تخسر أكثر من المبلغ اللى إنت فاتح بيه الحساب. ودى نقطه كويسه إنك مهما خسرت عمرك ما حتطلع مديون للشركة أبدا.

وهنا بقه يظهر مصطلح تانى وهو Leaverage بصراحه مش لاقيله ترجمه عربى تدخل دماغى ... بس هما بيترجموه "الرافعه المالية" وده عبارة عن نسبة المبلغ اللى بتحطه فى حسابك فعليا مقابل المبلغ اللى تقدر تتاجر بيه فعليا. يعنى لو قولنا إن شركة وسيطه ما عندها Leaverage = 100 يعنى كل دولار بتحطه فى حسابك فعليا بتسمحلك إنك تشترى أو تبيع مقابله 100 دولار. وبالتالى لو حاطط مبلغ 100 دولار مثلا فى حسابك يبقى ممكن تشترى أو تبيع بقيمة 100 * 100 = 10 ألاف دولار. يبقى إنت حسابك الفعلى فيه 100 دولار بس تقدر تدخل السوق لحد مبلغ 10 ألاف دولار. ولو Leaverage = 200 يبقى لو إنت عندك 100 دولار فى حسابك تقدر تتاجر بقيمة 20 ألف دولار. وهكذا ...

طيب لو حسابك فيه 100 دولار والوسيط عنده Leaverage قيمته 100 وإنت اشتريت 10 ألاف من زوج العملات EUR/USD مثلا والسوق تحرك لأسفل يبقى إنت حتبدأ تخسر ... بس 100 دولار اللى فى حسابك كلهم محجوزين مقابل عملية الشراء 10 ألاف EUR/USD يعنى الوسيط مش حيلاقى مبلغ ياخده مقابل خسارتك دى وبالتالى مش حيسمحلك ... وحيقفل العملية فورا ببيع زوج العملات ده مرة أخرى ... يعنى بمعنى أوضح علشان تقدر تتاجر لازم حيابك يكون فيه أكثر من 100 دولار دول ... علشان الوسيط يسمحلك بالإستمرار فى فتح العمليات عند تحرك السوق فى إتجاه الخسارة.

طيب نتكلم على مثال عملى ... حنفترض إنك فاتح حساب فيه مبلغ 300 دولار والوسيط ده Leaverage عنده 200 ... وعايز تشترى 10 ألاف EUR/USD ... كام حيكون المبلغ الضمان للعملية دى ؟؟ نحسبها ... 200 دى معناها كل دولار تحطه ممكن تتاجر فى مقابله بـ 200 دولار يعنى لو عايزين نتاجر بـ 10000 دولار يبقى محتاجين 10000/200 = 50 دولار. يعنى الوسيط حيحجز من حسابك مبلغ 50 دولار ضمان علشان تقدر تشترى 10 ألاف EUR/USD. طيب لما تشترى حيكون رصيدك المتاح فى حسابك هو 250 دولار بس ... يعنى عندك سماحية لحد خسارة مقدارها 250 دولار ... وإحنا قولنا إن 1 بيب فى حالة المبلغ ده تساوى دولار ... يعنى عندك سماحية إنك تخسر لحد 250 بيب أو إن السوق يتحرك لأسف أو إن سعر الزوج ده يقل بمقدار 250 بيب عن السعر اللى إنت شارى بيه. لو حصل والسوق تحرك بالشكل ده ونزل 250 بيب حيقوم الوسيط بإغلاق العملية فورا وبالتالى حتكون خسرت 250 دولار ويرجعلك مبلغ الضمان لحسابك تانى اللى هو 50 دولار. طيب لو كسبت .. طبعا الوسيط عمره ما حيقفل العملية لأن أى مكسب سيضاف إلى رصيدك بمجرد إغلاق العملية. ها وضحت الرؤيه ؟؟

أنواع الحسابات:

يوجد ثلاث أنواع من الحسابات فى الفوريكس

1- الحساب Standard أو القياسى وفى هذا الحساب يكون عمليات الشراء والبيع تتم بمبلغ 100 ألف من العملة ويسمى هذا بـ Lot أو اللوط وتكون قيمة البيب فى حدود 10 دولار. ويمكن فتح هذا النوع من الحسابات بمبلغ فى حدود 5000 دولار.

2- الحساب المضغر Mini وفى هذا النوع عمليات البيع والشراء تتم على قيمة 10 ألاف من العملة ويسمى هذا بـ Mini Lot وبالتالى تكون قيمة البيب فى حدود 1 دولار. ويمكن فتح هذا النوع من الحسابات بمبلغ فى حدود 300 دولار.

3- الحساب الميكرو Micro وفى هذا النوع من الحسابات تتم عمليات البيع والشراء بمبالغ ألف من العملة. ويكوت سعر البيب فى حدود 0.1 من الدولار. ويمكن فتح هذا النوع من الحسابات بمبلغ فى حدود 25 دولار.


________________

[ندعوك للتسجيل في المنتدى أو التعريف بنفسك لمعاينة هذا الرابط]

الرجوع الى أعلى الصفحة اذهب الى الأسفل
http://collo-stares.yoo7.com
 
مباديء الفوركس - الدّرس الثّالث
استعرض الموضوع السابق استعرض الموضوع التالي الرجوع الى أعلى الصفحة 
صفحة 1 من اصل 1

صلاحيات هذا المنتدى:لاتستطيع الرد على المواضيع في هذا المنتدى
منتديات نجوم القل :: منتدي المال والاعمال.الشركات الربحية :: منتدي الفوركس - اخبار الفوركس - forex-
انتقل الى:  
feed

منتديات نجوم القل


المواضيع الأخيرة
» أفضل ثلاثة مواقع للمهتمين باسواق الفوركس و الكريبتوكيرنسيز
الخميس أكتوبر 12, 2017 1:59 am من طرف محلل متميز

» اخبار موقع yallaforex.net
الثلاثاء سبتمبر 26, 2017 8:29 pm من طرف محلل متميز

» 4 Best Automated Social Bookmarking Software
الجمعة يوليو 07, 2017 5:13 pm من طرف jozef002

» موقع نتائج شهادة التعليم الابتدائي 2017
الثلاثاء يونيو 06, 2017 3:51 pm من طرف jozef002

» عروض فوركس رمضان forex ramadan
الإثنين مايو 29, 2017 10:53 pm من طرف محلل متميز

» اقوى عروض البونوص $$$ منحة مالية 30 % قابلة للخسارة وبدون شروط
الجمعة مايو 19, 2017 5:49 am من طرف محلل متميز

» توصيات العملات مجانا
الثلاثاء مايو 09, 2017 7:46 pm من طرف محلل متميز

» توصيات فوركس تليجرام
الجمعة فبراير 24, 2017 2:05 pm من طرف محلل متميز

» اشياء يريدها الرجل اثناء العلاقة الحميمة ولا يبوح بها
الأحد فبراير 12, 2017 4:45 pm من طرف jozef002

سحابة الكلمات الدلالية
تعجبني
nav
Histats
Submit Your Site To The Web's Top 50 Search Engines for Free! My Ping in TotalPing.com Computers blogs My Zimbio
Top Stories