نكت جزائرية **عقلية dz**

-بوليسي(شرطي)تزوج ببوليسية(شرطية)جابو طفل سماوه بروصي (مخالفة)

2-كاين واحد الشيخ وصى اولاده قاللهم:كي نموت ادفنو معايا علبة سجائر.ومن بعد كي مات دفنو العلبة معاه.وكي جاه عزرائيل قالو من هو ربك قال له الشيخ ربي هو ربك gارو ليا و gارو ليك وضرك نتفاهمو

3-عجوز وصاوها ولادها كي تموت وكي يجيها عزرائيل تقوله ربي هو ربك ومن بعد كي ماتت لعجوز جاها وقبل ما يسالها قاتلو ربي هو ربك قاللها :لالا الحاجة بدلنا الاسئلة.
قالك كاين واحد السراق غبي راح يسرق كي كان يسرق طاحت مزهرية في الارض سمعها مولا الدار وقال:شكوووون.السراق قالو:مياااااااااااااااااووو.ايا ومن بعد كمل يسرق زادت طاحت مزهرية اخرى .زاد سمعها مولا الدار وقال:شكوووووووووووون.ايا السراق رد عليه:القط تاع قبيله

قالك واحد الاستاذ قال للتلاميذ اعطوني حيوان يبدا اسمو بحرف الضاد.ايا واحد التلميذ اذكى غبي في القسم قالو:ضفدع.ايا الاستاذ زاد قاللهم اعطوني حيوان اخر يبدا اسمو بنفس الحرف .ايا نفس التلميذ نطق وقالووو:ضفدع اخرررررر

ايا واحد الطبيب نفساني رسم باب في الحائط وقال ل3مرضى (اي مجانين)افتحو هاذا الباب .اياا زوج منهم راحو يحاولو باش يفتحوه الا واحد كان قاعد وماحبش يحاول راح ليه الطبيب وسقساه وعلاه ماراهش يحاول معاهم .ايا رد عليه المريض وقالو :اصلا المفتاح راه عندي

قالك كاين زوج تلاميذ اغبياء كان عندهم تاست.اي الاول دفع الورقة بيضة وخرج .زاد شوية الثاني دفعها بيضة .ايا كي خرجو سقسى الثاني الاول وقالو واش درت فيها .ايا الاول قالو دفعتها بيضة .ايا الثاني عيط وقالوو:ايااااااااااااااااااااااااااا ضرك يقولولنا راكم نقلتو على بعضاكم

ايا واحد الطبيب نفساني رمي بالون من باب ا لطيارة وقال ل3 مرضى (اي مجانين)روحو العبو .ايا 2راحو والثالث ماراحش .راح ليه الطبيب وسقساه وعلاه ماراحش معاهم.ايا رد عليه لمريض وقالو:انا لgارديان (اي الحارس)
قالك واحد الراجل كحلوووووووووووووووش(اسود البشرة)غني بزااااااف وجامي واحد يقدر يلعبها عليه ويسرقوو .ايا كان في الطريق يمشي بالسيارة تاعو .ايا حبساتو جماعة من الناس.وقالولو:يا الاخ حبيناك تمثل دور بلال الحبشي,ايا هو قبل الدور.من بعد قالولو: ارقد في الارض .ايا ربطوه وحطو عليه حجرة وقالولو: ضرك يجي ابى بكر الصديق ويمنعك.ايا هاديك الجماعة سرقتلو السيارة تاعو وهربت.ومن بعد كي جاو لابوليس(الشرطة) لقاوه يقول :احد احد .قالولو:من فعل بك هذا؟رد عليهم قائلا:قريش قريش

كان جحا جزائري واخر ياباني واخر امريكي لقاو مصباح سحري. ايا مسحوه من الغبرة ومن بعد خرجلهم مارد المصباح وقاللهم:اطلبو واش حبيتو.ايا جحا الامريكي قالو:انا حاب نروح للمريخ.في هاديك اللحظة راح للمريخ.ايا جحا الياباني قالو:انا حاب نروح للقمر.في هاديك اللحظة راح للقمر .ايا جا دور جحا الجزائري قالو المارد واحد راح للمريخ والاخر راح للقمر وانت وين حاب تروح.رد عليه جحا الجزائري وقالو:نقبلهم في زوج هنا (اي جحا الامريكي والياباني)

واحد النهار كانت مقابلة كرة القدم بين الجزائر ومصر.في الشوط الاول سجلت الجزائر هدف.ايا واحد الراجل طفى التلفزيون.قالولو:يا راجل واش بيك الماتش مازال ما خلص.ايا رد عليهم وقاللهم:باش يبقى الماتش هكدا(اي النتيجة1-0)

ايا جماعة من الناس قالولهم اطلعو 1000طابق في ظرف زمني قصير.ايا طلعو طلعو طلعو حتى وصلو للطابق999.ايا قاللهم الشاف تاعهم هيا نهبطو وغدوة نرجعو نكملوه

واحد النهار دارو مسابقة وهي عبارة عن غرفة مغلقة منذ ايام وفيها ثور .من يستطيع التحمل والبقاء مع الثور رغم رائحة الغرفةوالبقاء اطول وقت ممكن.ايا جا جحا الامريكي ساعة وخرج يجري.ومن بعد جا جحا الفرنسي ايا ساعة ونص وخرج يجري .ومن بعد جا دور جحا الجزائري .هو دخل ايا خرج الثور يجري