إذا مسحت الدموع بتبقى الجروح < بقلمي

مدخل ...~
ياصاحبي وش فيكـ جالس لحالكـ ...~
ليش انت متغير ومشغول بالكـ ...~

[center]القصة من تأليفي ....

في نهاية الدوام المدرسي يقف بندر و عمار لتحدث مع بعض ..بالغين من العمر 15سنه..
بندر : بتجي الملعب العصر ؟
عمار : إي يا رفيقي أكيد !!
بندر : حلوووه رفيقي ... يا صديقي هههههههههه
عمار : رفيقي , صديقي , وأخوي إذا تبي .. من حنا في الصف الثاني الابتدائي وحنا مع بعض إن شاء الله طول العمر مع بعض
بندر : أتمنى
عمار : أنا أعاهدك إني ما أتركك طول حياتي!!
بندر : أنا ما رح أعاهدك بشيئ؟
عمار : ليه ؟
بندر : والله أنا ما أضمن عمري .. ولا أضمن الأيام وش بتسوي .... يلا صديقي ههه اشوفك العصر ..!!!!
~ْ.................":/{العصر في الملعب }/:"..........,,ْ~
بندر (بجد ): والله تلعب حلو يا عموووره فالك الأحتراف ..
عمار (بضحك ): ريال مدريد يبون يتبنوني بس رفضت ...
بندر : لا جد ..يعني إذا كبرت وين تحب تلعب ؟أي نادي ؟...
عمار : يعني لو بختار رح اختار الأتحاد اقوى نادي في السعوديه ...!!
بندر : بطير جده بشتآآآآق لك لالالا بشوفك في التلفزيون هههههههههه اما عاد اقوى نادي .. ماعلينا ...
عمار : إشكثر تحب تطنز .....طي وانت وين بتلعب يا كرستيانو
بندر : النادي الاهلي بضبط جنب تيسير الجاسم ههههههه يعني هو مجرد حلم
عمار : الحلم بإمكانه يصير واقع مع مرور الايام ...
بو بندر يرى إبنه من بعيد بجانب عمار و يناديه ...
بو بندر (ينادي ): بـنـدر..؟
بندر (من بعيد ): لبيه ...!
بو بندر : البيت بسرعه ...
بندر : تآآآآمر يا تاج راسي ......,,, يلا عموررره أشوفك في المدرسه باكر ..
عمار : سلاآآآآم ....
~ْ.................":/{في منزل بو عمار }/:"..........,,ْ~
بو بندر (لبندر ): إللي شفته واقف معك بشارع عماااار ولد أحمد صح ؟
بندر : اي !!!..صاحبي الروح بروح ليه يوووبه تسأل؟
بو بندر : مره ثانيه لا اشوفك واقف معه ولا تكلمه ولا تمشي معه لا أمردغك هنا واتوطى في بطنك
بندر : ليش يووووبه في شي ؟
بو بندر (يخزه وهو معصب ): انت ما تسأل ؟ انت تقول تم وبس!!
بندر (بقهر ) : تم يوووبه ... تم
~ْ.................":/{في صباح اليوم الثاني في المدرسه }/:"..........,,ْ~
عمار (ينادي بندر من بعيد ويلوح بيده ) صباآآآآآحووووو..............
بندر يتجنبه وكأنه لم يسمع ولم يشاهد عمار ...
وبعد حين ...
عمار (بجانب بندر ) : من أشوي اناديك واشر لك ؟ ما سمعتني ولا شفتني ؟
بندر : الأثنين..!!!!... قوول وش فيك تناديني ؟
عمار : ..........!!!...وش فيك مقلوب حالك ؟..
بندر : بصراحه و من الاخير .. ابوي قال لي لا أكلمك .!! قلت له ليش ؟ ما جاوبني ..!!..انت جاوبني ليش مايبيني اكلمك ؟..
عمار : ما ادري
بندر : تكذب علي ..
عمار : والله ما ادري احلف لك با المصحف ..
بندر : لا تحلف لي ولا شي ...
عمار(يناظر بندر ):.................!!
بندر : عمار اسمح لي ابوي رقم قساوته علي الى ان ابوي اهم من صداقتنا ...عن أذنك...!!!!
عمار (بينه وبين نفسه ): ليش انا وش فيني من قبل يومين أيمن قال لا تمشي معي وقلبها جلال أكيد في شي ولا ليه ماحد يكلمني ..!!؟
بقيا عمار طول يومه الدراسي مكسور الخاطر الى ان انتهى اليوم .. وذهب المنزل ليتحدث مع والده ....
عمار ( عاقد حواجبه ): يوووبه بقول لك شغله واذا عندك إجابه اتمنى إنك تجاوبني ؟
بو عمار : شكله الموضوع خطير قول ولا تتردد
عمار : صديقي بندر تعرفه ... سنين وانا معه والبارح ابوه شافنا مع بعض وقال له لا تكلمه ولا تمشي معه ليه انا وش فيني ؟
بو عمار : عادي بدل بندر عندك القريه كلها شوف لك صديق ثاني ومن باعك بيعه حتى لو كان غالي ..
عمار : مو بس بندر ... جلال ... أيمن ... سلمان ...وووو .....ليش يوووبه؟
بو عمار : انت صاير رجال صرت طولي الله يحفظك ...
عمار : يبه لا تغير السالفه ..
بو عمار : جدك كان انسان سيئ والناس مسكاها علينا من زمن طووووويل ... الناس ما تنسى شيئ ...
عمار (يبكي ): إحنا وش ذنبنا ؟
المحتوى الان غير مخفيبو عمار : مالنا ذنب امسح دموع يا ولد وإنسى ...
عمار : إذا مسحت الدموع بتبقى الجروح ....

إحسآس

مخرج ....~
ياصاحبي ضاقت عليّ الليالي ...~
من اللي شغل عقلي وفكري وبالي ....~

إذا مسحت الدموع بتبقى الجروح < بقلمي

[/center]

يديروها الكبار و يخلصوها الصغار
قصة معبرة شكرا لك

انت محقة حياة
يديروها الكبار ويخلصوها الصغار

نورتو صفحتي بمروركم شكرا

» ما هي أكثر الجروح ألما ؟؟؟-*
» الطموح ينسيك الجروح
» ماهي اكثر الجروح الماً.؟؟!
» ღ.¸¸.الدموع.¸¸.ღ
» لا تبكي ... فلست أحتمل الدموع